Charter Document - 02350192

In nomine sancte et individue Trinitatis Universis presentibus pariter et futuris volo notificari ego Rainardus Joviniacensis comes quam Isembardus qui appellatur Diabolus tres denarios censuales quos canonici Sancti Mariani Autissiodori ei debebant de prato quod a Jofrido de Iglisiola emerant eisdem canonicis me presente remisit et in perpetuum possidendos concessit Pari modo remisit eis et concessit perhenniter habendos duos denarios quos ei debebant de quodam prato quod est in illa terra quam canonici regi ad edificandam villam suam adcensierunt Item concessit eis et laudavit habendam terram in qua situm est molendinum eorum que erat de casamento suo et si quid aliud juris habebat quocunque modo haberet in omni possessione canonicorum que est a Planca que dividit terram quam regi adcensierunt a terra illa quam in proprio suo retinuerunt usque ad terram monachi de Secru tam in fundo vallis quam in costis hinc et inde dependentibus De nemore vero de Palestel pro tali parte que ei ex hereditario jure uxoris sue noscitur devenisse concessit eis per omnes domos suas domesticas cunctas suas utilitates facere salvo tamen jure hominum qui usuaria sua habent in nemore Exceptum est etiam hoc quod canonicis nec dare nec vendere nemus licebit Concessit etiam isdem Isenbardus eisdem canonicis de ipso nemore disrumpere et excolere si agros suos vellent adcrescere Ad victus vero omnium animalium suorum omnes pastus nemoris pari modo concessit Hec omnia sicut distincte sunt scripta idem Isembardus erga canonicos se servaturum plenivit suam fidem uxor vero ejus laudans concessit Laudaverunt etiam eorum liberi Ut igitur hec omnia canonicis intemerata permaneant utrorumque monitu canonicorum videlicet et Isembardi feci ea litteris annotari sigillique mei impressione consignari Actum Joviniaci anno Incarnationis dominice MCLXIX sub testibus istis Petro capellano de Sancto Johanne Gilduino vicecomite Joviniaci Odone Luboth Rainaudo Malliaco Hugone preposito