Charter Document - 02350190
| Charter Number: | 02350190 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1169 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Willelmus Dei gracia Autisiodorensis episcopus notum facio presentibus et futuris quod controversia illa que versabatur inter dominum Arduinum venerabilem abbatem Sancti Germani Autisiodorensis et Milonem militem Autisiodorensem super decima silve que dicitur Beletains que eciam ad ecclesias Beati Germani de Venneto de Blania spectat hoc modo terminata est Prefato etenim abbate et multis in presencia nostra adstantibus idem miles culpam suam cognoscens eandem decimam monasterio Sancti Germani fratribusque ibidem Deo servientibus imperpetuum possidendam in pace concessit in terra videlicet culta et inculta extirpata vel extirpanda et contra omnes calumpniatores si qui forte emerserint se garantiam laturum in curia prenominati abbatis spopondit et si forte aliquid idem abbas aut fratres hac de causa perdiderint ipse illud ex integro se persolvere promisit Quoddam eciam pratum quod apud Bainam Sancto Germano abstulerat guerpivit et pro remedio anime sue et anniversario patris et matris sue a monachis Sancti Germani faciendo eisdem illud nichilominus concessit et pro his omnibus de bonis ecclesie XI libras et X solidos Autissiodorensis monete accepit Laudavit hoc Humbaudus clericus frater ejus et Autissiodora uxor ipsius Actum est hoc Autisiodoro anno ab Incarnatione Domini MCLXVIIII Testes sunt decem in carta notati