Charter Document - 02350180
| Charter Number: | 02350180 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1168 |
| Date type: | Internal, A.D., Episcopal |
| Resource Link(s): |
|
Charter:
In nomine sancte et individue Trinitatis Que bene gesta creduntur sepe a pravis hominibus pervertuntur Ea propter ego Guillelmus Dei gracia episcopus Autissiodori notificandum propono universis presentibus et posteris quod Lethericus Bailledart et Milo frater ejus et Seguinus qui cognominatur Chavoth quasdam possessiunculas pro quibus inter eos et canonicos Sancti Mariani orta contentio fuerat predictis canonicis in perpetuum possidendas me presente et audiente laudantes concesserunt Laudavit hoc uxor Seguini audientibus Bernardo archipresbitero Autissiodori et Herberto nepote thesaurarii quos ad eam pro capienda laude transmisi Laudaverunt etiam et hoc mater predicti Letherici et uxor ejus et liberi presentibus istis videlicet Magistro presbitero Autissiodorensi archidiacono et Roberto de Digione loco mei ibidem constitutis Verum ne de ipsis possessiunculis ambiguitas iterum controversiam faciat suboriri scripto eas volui denotari est igitur tertia pars illius prati quod interjacet viam publicam ducentem ad Agliniacum et molendinum ipsorum canonicorum super Belche fluvium situm Item curia molendini et fossatum quo curia clauditur Item tertia pars illius excambii quod predicti canonici exceperunt a leprosis pro excambio nemoris Item XXII denarii censuales quos domnus Agano presbiter antequam moreretur ipsis canonicis dimisit Item emptiones tam domorum quam vinearum quas canonici in vicinia Sancti Martini emerant Lethericus pro quanta parte de casamento suo erant laudare nolebat Denique idem Lethericus calumpniabatur quod canonici molendina sua de Brecholt de priori situ moverant et inferius restituerant Ista habebantur in querela Ut igitur hec omnia canonicis in perpetuum permaneant absque calumpnia salvo tamen jure censuum et consuetudinum nummorum et annone predicti Letherici feci ordinem rei geste ut vidi et audivi litteris annotari sigillique mei impressione consignari Actum Autissiodoro in domo mea anno Incarnationis dominice MCLXVIII episcopatus mei secundo audientibus istis qui mecum sunt testes Bernardo archipresbitero Rainaudo cognomine Richardo Herberto nepote thesaurarii