Charter Document - 02350178
| Charter Number: | 02350178 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1167 |
| Date type: | Internal, A.D. |
| Resource Link(s): |
|
Charter:
Ego Henricus Dei gratia Trecensis episcopus notum facio presentibus et futuris quod Iterius de Curcellis dedit in elemosinam monachis de Valle Lucenti usuarium in nemoribus suis que sunt in finibus Toriniaci videlicet herbam et glandem et quicquid ad pasturam pertinet universi generis animalium Dedit etiam eis et rametam tam ad opus animalium quam ad opus custodum eorum Et sunt testes Manasses archidiaconus magister Girardus et magister Bernardus clerici nostri affuerunt etiam huic rei milites nonnulli et similiter testes extiterunt dominus videlicet Andreas comes Breniensis gener Anselmi de Veneseio per cujus manum hoc factum est Seguinus de Fonte Vene Godefridus de Villa Mauri Hoc postmodum laudavit Philippus pater supradicti Iterii et Eremburgis uxor ejus et Gollanda que et Galiena uxor Iterii Testes inde fuerunt Arnulfus capellanus de Lintione Petrus presbiter nepos ejusdem Seguinus supradictus de Toriniaco Mainardus de Roseriaco Ansellus de Curcellis Bovo Glavianus Guilelmus de Lintione Johannes Lupus et alii plures Postremo hoc ipsum totum laudaverunt supranominatus dominus Andreas de Veneseio et Guido Guastable de quorum casamento sive feodo predicta nemora erant attestante Glarembaldo de Villa Mauri Godefrido de eadem villa Teobaldo Garus Milone Crocheu Ansello de Curcellis Garino de Miliduno Actum anno incarnati Verbi MCLXVII Et quia predictus Iterius noster parrochianus esse probatur et prenominata nemora in Senonico pago habentur placuit predictis monachis ut impressione sigilli tam domini patris nostri Hugonis Senonensis archiepiscopi quam nostri presens cartula confirmaretur ad assertionem perpetue veritatis Quod sic fieri annuimus amen