Charter Document - 02350177

Ante legem et sub lege et sub gratia in adquisitionibus ecclesiasticorum seu secularium bonorum testificatio litterarum exquiritur ut si forte erga adquisitores de adquisitis orta fuerit dissensio litterarum testificatione quiescat et quiescendo adquisitiones firme et stabiles per succedentia tempora permaneant Ideoque noverit omnium sancte Dei Ecclesie fidelium tam presentium quam et futurorum generalis humanitas quam Hugo Chatinus et Lora uxor ejus et liberi eorum laudaverunt donationem quam Chalo de Avalone et Agnes uxor ejus de Baruth donaverunt Deo et domui hospitalis Hierusalem trans mare apud Achram videlicet tam in terris quam in molendinis et domibus et in perpetuo quiete concesserunt habendam et inde habuerunt ipsi ducentos marbutinos Hujus rei testes sunt Godefridus Bartholomeus Aspociis Odo de Maroil Olricus de Asneriis Rocelinus filius domine Sabuoth Symeon Johannes capellani Rubei Montis Petrus Chegnarz et Petrus filius ejus Bernardus de Barrex Bruno presbiter Margarita abbatissa Hec laudatio facta fuit apud Rubeum Montem Item hoc ipsum laudavit apud Pontem Herberti Odo filius predicti Hugonis Chatini videntibus et audientibus istis Arnulfo magistro Pontis Herberti Gauterio ejusdem domus capellano Poncio de Arconce fratre fratre Odone cellerario Guerrico canonico de Avalone Petro de Montiniaco Amaberto Johanne presbiteris Guillermo de Campo Pagani Gaufrido fratre suo Riolenth chamerario Henrici episcopi Actum est hoc anno MCLXVII ab Incarnatione Domini Alexandro papa residente in cathedra regnante Lodovico rege Francorum Hugone duce Burgundie Ut autem hoc firmum et ratum permaneat ego Henricus Eduensis episcopus testificor et sigilli mei impressione confirmo