Charter Document - 02350176
| Charter Number: | 02350176 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1167 |
| Date type: | Internal, A.D. |
| Resource Link(s): |
|
Charter:
Ego Henricus Trecensium comes palatinus universis tam presentibus quam futuris notum fieri volo quod cum orationum causa Senonis ecclesiam Sancti Petri Vivi et beatos martires Savinianum Potencianum et Altinum adiissem placuit domino Odoni tunc ejusdem loci abbati et fratribus ejus quod mihi de sacrosanctis reliquiis predictorum martyrum Potenciani scilicet et Altini darent quas Trecis in ecclesia beati prothomartiris Stephani cum summa veneratione et debita reverentia collocavi Hujus itaque rei gratia et propter amorem quem erga prefatam ecclesiam ego et antecessores mei ab antiquo habueramus eidem ecclesie Sancti Petri Vivi Senonensis et ecclesie de Naudo pro animabus patris et matris mee et antecessorum meorum et pro remissione peccatorum meorum quicquid apud Naudum et in parrochia ejusdem ville tam in hominibus et censibus quam in justicia et rebus aliis exceptis casamentis habebam in perpetuam elemosinam libere possidendum donavi Hoc etiam de prefata donatione mihi et heredibus meis retinui quod predictarum rerum custodia et advocatio in aliam quam in meam et heredum meorum manum transferri non poterit Concessi etiam prefate ecclesie apud Pruvinum domos duas liberas a justicia et ab omni exactione et consuetudine ad me pertinenti domum videlicet que fuit Johannis filii Almanni sitam in vico Sancti Johannis et domum Hugonis Bridelli que sita est juxta Sanctum Teobaldum Que ut nota permaneant et in statu suo rata perseverent litteris annotata sigilli mei impressione firmavi sub testibus istis quorum hec sunt nomina magister Stephanus Pruvinensis ecclesie prepositus dominus Nicholaus capellanus meus Ansellus de Triagnello Odo constabularius Hugo de Planceio Robertus de Milliaco Drogo de Pruvino Petrus frater ejus Deymbertus de Braio Girardus Eventatus Guillelmus marescallus et Artaldus camerarius Acta sunt hec anno incarnati Verbi MCLXVII data Trecis per manum Guillelmi cancellarii