Charter Document - 02350175
| Charter Number: | 02350175 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1167 |
| Date type: | Internal, A.D. |
| Resource Link(s): |
|
Charter:
Ego Garinus Dei gratia Senonice urbis vicecomes omnibus ad quos littere iste pervenerint in Domino salutem Noverint universi quod quedam controversia inter nos et abbatem Sancti Petri Vivi Odonem nomine diu emerserat super quibusdam consuetudinibus quas in foresta nostra Hotta nomine se et ecclesiam suam habuisse reclamabat Nos vero causa amoris Dei ipsius rei veritatem ab hominibus nostris requirentes consilio prudentium virorum in unum convenimus et rei veritate comperta consuetudines illas quas prefatus abbas in foresta nostra reclamabat agnovimus et in posterum ipsi ejusque successoribus in pace possidere concessimus quarum hec est summa ad opus vel opera jam dicti monasterii et omnium domorum vel officinarum infra portas ejusdem loci suarum omne genus lignorum majorum vel minimorum in ipsa foresta habere concessimus insuper hominibus ejusdem loci in villa Malliaci commorantibus ad clausuram segetum suarum et ad omne opus sibi congruum omne lignum vivum quod pugillo comprehendi potest et omne mortuum habere concessimus et ad victum bestiarum suarum ovium caprarum boum et omnium animalium usuarium cotidianum et commune Item ad edificia domorum suarum concedimus eis et ad ardendum omne lignum mortuum Si vero ipsi homines ultra statutum usuarium aliquid accipientes a forestariis capti fuerint duodecim denarios persolvent sed ultra hos nichil ab eis exigetur Quod si se minime offendisse cognoverint juramento tantum liberabuntur Iterum siquidem querela erat inter nos et jam dictum abbatem super Mainardo de Grunno et uxore sua quos nostros esse putabamus abbas vero suos esse testabatur Super hoc ergo veritate inquisita nichil aliud in eis invenimus nisi quod ex commendatitio eos tenebamus quos etiam a commendatitio quitatos cum familia sua predicte ecclesie donavimus Et ut hoc ratum permaneat scripto commendari et sigillo nostro muniri precepimus Hec omnia laudavit uxor mea E vicecomitissa affuerunt autem de militibus nostris Salo de Mallet Guiardus de Fossez Sevinus de Toriniaco Fulco prepositus noster Acta sunt hec anno incarnati Verbi MCLXVII