Charter Document - 02350164
| Charter Number: | 02350164 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1165 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Apostolo dicente refrigescit caritas et valde crescit iniquitas in tantum scilicet quod alter alterius possessionem diripit et vi vel alio quolibet ingenii modo subtrahit verum quia juxta eundem apostolum omnes astabimus ante tribunal Christi sive bonum sive malum prout gessimus in corpore recepturi ego Garinus Senonensis vicecomes sciens et credens digne retributionis premio a Deo remunerari si aliquid impendatur locis servitio ejus mancipatis notum fieri volo existentium memorie et futurorum posteritati quod ob remedium anime mee patrisque mei et antecessorum meorum reddo et dono ecclesie Sancte Columbe quedam que de jure ipsius ecclesie erant que utcumque antecessores mei juste est inter Villam Patrici et Evri quam Odo ejusdem ecclesie abbas patri meo tali tenore dederat ut post ejus decessum ad ecclesiam rediret Dono etiam imperpetuum sexaginta solidos quos in eadem ecclesia in festo Sancti Lupi capiebam dimitto etiam commendationem quam in hominibus Sancte Columbe antecessores mei habebant Et ne hoc aliqua temporis vetustate mutari vel infringi possit scripto commendari et sigilli mei impressione corroborari precepi Actum est hoc anno Incarnationis dominice MCLXV