Charter Document - 02350151
| Charter Number: | 02350151 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1164 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Ego Ludovicus Dei gracia Francorum rex Notum facimus universis tam presentibus quam futuris quod terram de Taloan que fuit Petri Balceni emit Hugo prepositus noster Senonensis a filio ejus Fulcone Balceno Postmodum Hugo per precem nostram et per assensum dominorum ut dicebat eandem terram vendidit canonicis Sancti Mariani Altisiodorensis Et quoniam idem canonici quicquid de terra illa et de alia infra Plancam et Icaunam habebant nobis ad herbergiendum contulerunt tam in terris quam in pratis et etiam censum VIII solidorum quem ibi exigebant nobis quitum et sine calumpnia reliquerunt nos in recompensationem reliquam partem terre a Planca versus domos suas et quicquid ultra Plancam habent tam in terris quam in pratis et in aliis rebus eis laudamus et concedimus et ut inde in perpetuum in pace remaneant sigilli nostri auctoritate confirmamus salvo omni alieno jure subter inscripto nostri nominis karactere Actum publice Senonis anno incarnati Verbi MCLXIIII astantibus in palatio nostro quorum apposita sunt nomina et signa S comitis Theobaldi dapiferi nostri S Guidonis buticularii S Mathei camerarii constabulario nullo Data per manum Hugonis cancellarii et episcopi Suessionis