Charter Document - 02350146
| Charter Number: | 02350146 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1163 |
| Date type: | Assigned |
| Resource Link(s): |
|
Charter:
Alexander episcopus servus servorum Dei dilectis filiis infirmis fratribus domus de Popelino salutem et apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant effectu sunt prosequente complenda Ea propter dilecti in Domino filii vestris justis postulationibus grato concurrentes assensu prefatam domum in qua divino mancipati estis obsequio sub beati Petri et nostra protectione suscipimus et presentis scripti patrocinio communimus statuentes ut quascumque possessiones quecumque bona eadem domus in presentiarum juste et rationabiliter possidet aut in futurum justis modis procurante Domino poterit adipisci firma vobis vestrisque successoribus et illibata permaneant Sane novalium vestrorum que propriis manibus aut sumptibus colitis sive de nutrimentis animalium vestrorum decimas a vobis nullus presumat exigere Decernimus ergo ut nulli omnino hominum liceat prefatam domum temere perturbare seu quibuslibet vexationibus molestare Si quis autem id attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Senonis X kalendas januarii