Charter Document - 02350141
| Charter Number: | 02350141 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1163 |
| Date type: | Assigned |
| Resource Link(s): |
|
Charter:
Alexander episcopus servus servorum Dei dilectis filiis Oddoni decano et capitulo Senonensis ecclesie salutem et apostolicam benedictionem Justis petentium desideriis dignum est nos facilem prebere consensum et vota que orationis tramite non discordant effectu sunt prosequente complenda Ea propter dilecti in Domino filii vestris justis postulationibus grato concurrentes assensu ecclesiam de Anjorra ecclesiam de Jolna ecclesiam de Braio ecclesiam de Moncellis ecclesiam de Moisio ecclesiam de Breisola ecclesiam de Evrio ecclesiam de Ponte Siriaco cum ecclesia Sancti Egidii de Nemore et appendiciis suis ecclesiam de Branai ecclesiam de Verun ecclesiam de Sancto Albino cum capellis de Melers ecclesias de Evrolla ecclesiam de Blanniaco ecclesiam de Chamlot ecclesiam de Mersi ecclesiam de Curia Monunculi ecclesiam de Sociaco ecclesiam de Sancto Martino ecclesiam de Gumerio ecclesiam de Sancto Hylario infra muros urbis ecclesiam Sancti Mauricii intra duos pontes ecclesiam de Frateio et de Cantugalli ecclesiam de Amiliaco ecclesiam de Dainmonte ecclesias de Brueria cum capella Sancti Victoris ecclesiam de Borovilla ecclesias de Roemvillari et de Nange Villa ecclesiam de Villerario in ea libertate in qua eas bone memorie Hugo et predecessores ejus Senonenses archiepiscopi vobis rationabiliter concesserunt videlicet ut presentationes presbiterorum in prescriptis ecclesiis habeatis et eedem ecclesie ab omni exactione collecta hospitiis circadis synodis et ab omni summonitione et justitia tam archidiaconorum quam archipresbiterorum penitus sint immunes Et si predicti presbiteri aliquid contra ordinem egerint ab archiepiscopo vestro de penitentia tantummodo corrigantur devotioni vestre auctoritate apostolica confirmamus et presentis scripti communimus Decernimus ergo ut nulli omnino hominum liceat hanc paginam nostre confirmationis infringere vel ei aliquatenus contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Tusculani X kalendas septembris