Charter Document - 02350137

Alexander episcopus servus servorum Dei dilectis filio Theobaudo abbati monasterii de Scarleiis ejusque fratribus tam presentibus quam futuris regularem vitam professis in perpetuum Desiderium quod ad religionis propositum et ad salutem animarum pertinere monstratur auctore Deo sine aliqua est dilatione complendum Ea propter dilecti in Deo filii vestris justis postulationibus clementer annuimus et prefatum locum ad exemplar patris et predecessoris nostri sancte recordationis Eugenii pape in quo divino mancipati estis obsequio sub beati Petri et nostra protectione suscipimus et presentis scripti privilegio communimus in primis siquidem statuentes ut ordo monasticus qui secundum Dei timorem et beati Benedicti regulam et institutionem fratrum in eodem loco institutus esse dinoscitur perpetuis ibidem temporibus inviolabiliter observetur Preterea quascunque possessiones quecunque bona idem monasterium impresentiarum juste et canonice possidet aut in futurum concessione pontificum liberalitate regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum de Scarleiis cum adjacentibus terris aquis silvis pratis et omnibus pertinentiis suis ex dono Seguini Grossi Balduini Fuisnardi et Seguini Rufini grangiam que dicitur Veteris Scarleie cum adjacentibus terris pratis et pertinentiis suis ex dono Viviani de Firmitate et Seguini filii ejus libera usuaria ad omnia animalia vestra in nemore eorum quod Wevra dicitur extra hayas grangiam de Herbeio cum adjacentibus terris silvis et pertinentiis suis ex dono Willermi Botelu grangiam de Chalosa cum adjacentibus terris silvis vineis et pertinentiis suis ex dono Stephani Albi et filiorum ejus Milonis Gualteri et Stephani et Leterici Jalardi et Gualteri Follis atque Hardiardis matris ejus grangiam de Valle Morini ex dono Ludovici regis Francorum et Ludovici regis filii ejus cum adjacentibus terris pratis molendino et pertinentiis suis ex dono predicti Ludovici regis Francorum grangiam de Taloan cum adjacentibus terris pratis silvis et pertinentiis suis et libera usuaria per omnia nemora regia ad omnia necessaria vestra ex dono Hugonis de Bunone Isembari de Cella et Berte sororis ejus Girardi de Orfavilla et Gualteri Broepiper grangiam de Valle Lune cum adjacentibus terris pratis silvis et pertinentiis suis ex dono Gualteri de Confessi terram Pinnardi cum pertinentiis suis vineas vestras de Castello Rainaldi nemus vestrum de Belcirro cum adjacentibus pratis et decimis ex dono Ludovici regis Francorum portum de Pomonio cum gordo et exclusa vestra ad pisces capiendos parvos et magnos vineas vestras de Joviniaco Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis decimas exigere presumat Prohibemus etiam ut nulli fratrum vestrorum post factam in eodem loco professionem aliqua levitate sine abbatis et capituli sui licentia fas sit de claustro discedere Discedentem vero absque communium litterarum cautione nullus retinere audeat Paci quoque et tranquillitati vestre paterna sollicitudine providentes auctoritate apostolica prohibemus ut infra clausuras locorum seu grangiarum vestrarum nullus violentiam vel raptum sive furtum committere vel combustionem facere seu hominem capere vel interficere audeat Decernimus ergo [] Ego Alexander catholice ecclesie episcopus subscripsi Bene valete Datum Senonis per manum Hermanni sancte Romane ecclesie subdiaconi et notarii XII kalendas novembris indictione XI Incarnationis dominice anno MCLXIII pontificatus vero domini Alexandri pape III anno V