Charter Document - 02350129
| Charter Number: | 02350129 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1162 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis notum sit omnibus tam presentibus quam futuris sancte matris ecclesie filiis quod ego Guillermus Nivernensis comes pro remedio anime mee Deo et monachis Sancti Michaelis Tornodorensis Deo ibidem in perpetuum servituris do et concedo molendina nova que Girardus Ruffus ex precepto meo fecerat sine omni reclamatione jure perpetuo possidenda sub tali scilicet exceptione quod predictus Girardus qui in molendinis construendis plurimum laboraverat pro labore suo duo modia messis unum frumenti et alterum ordei dimidium modium in octabas Sancti Johannis dimidium modium in octabas Sancti Remigii dimidium modium in octabas Nativitatis Domini dimidium modium in octabas Resurrectionis ab eisdem monachis in molendinis singulis annis accipiat Si vero prefatus Girardus necessitate sibi ingruente messem istam ab eis sibi debitam vendere vel invadiare voluerit monachis vendet vel invadiabit alteri vero sibi vendere vel pignori obligari nisi in eis remanserit nequaquam licebit Addo etiam quod si debitum hujus messis post mortem Girardi michi acciderit monachorum sit escheta jure perpetuo habenda Ne autem hoc aut temporis vetustate aut alicujus hominis perversitate immutaretur aut penitus deperiret litterarum mearum adnotatione et sigilli mei impressione signavi Cujus rei testes Milo de Noeriis Rainaudus de Merlo Stephanus de Petrapertusia Nivardus Columbanus tunc prepositus Robertus pincerna comitis Petrus cappellanus Gaufridus clericus ejus Petrus cappellanus Tornodori abbas Quinciaci Marinus Ruffus Johannes frater ejus Guido Boardus Oddo de Ampilleio Dominicus famulus monachorum Johannes pistor Guichardus Umbertus Anno ab incarnatione Domini MCLXII factum est hoc