Charter Document - 02350127

Alexander episcopus servus servorum Dei dilectis filiis Miloni abbati Sancti Mariani ejusque fratribus tam presentibus quam futuris regularem vitam professis in perpetuum Religiosam vitam eligentibus apostolicum convenit adesse presidium ne forte cujuslibet temeritatis incursu aut eos a proposito revocet aut robur quod absit sacre religionis infringat Ea propter dilecti in Domino filii vestris justis postulationibus clementer annuimus et prefatam Sancti Mariani ecclesiam in qua divino mancipati estis obsequio et predecessoris nostri bone memorie Adriani pape vestigia inherentes sub beati Petri et nostra protectione suscipimus et presentis scripti privilegio communimus In primis siquidem statuentes ut ordo canonicus qui secundum Deum et beati Augustini regulam et Premonstratensis ecclesie institutionem in eodem loco noscitur institutus perpetuis ibidem inviolabiliter temporibus conservetur Preterea quascumque possessiones quecumque bona eadem ecclesia in presentiarum juste et canonice possidet aut in futurum justis concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propria duximus exprimenda vocabulis Ipsam videlicet ecclesiam Sancti Mariani a beato Germano in honorem sanctorum martyrum Chosme et Damiani edificatam ecclesiam Sancte Marie in suburbio Autissiodorensi constructam cum omnibus pertinentiis suis ecclesiam Sancti Martini cum pertinentiis suis in eodem suburbio sitam in pago Senonensi ecclesiam Sancti Martini de Bonorto cum decimis pratis vineis et terra ipsi ecclesie adjacente grangiam de Oisello cum omnibus decimis pratis censibus terris ad jus Beate Marie tinentibus tam in ipso loco quam in parochiis circa positis scilicet in parochia de Oona de Tangi et Luini grangiam de Bosculo cum pratis et terris suis grangiam de Cappella cum pratis et terris suis decimam quam Herbertus Crassus et ejusdem participes in eadem grangia vobis assensu episcopi Autissiodorensis contulerunt in silva Ote locum qui dicitur Vallisprofunda cum omnibus pertinentiis suis ex dono regis Ludovici terram in territorio de Taloen terram Petri Bauceni terram quam a Fraerio et a monachis Sancte Marie Senonensis in eadem Valleprofunda acquisivistis cum omnibus que ad ipsas terras pertinent usum totius silve que vocatur Palestel sive ad terram arabilem excolendam sive pro animalium vestrorum pastura sive pro construendis domibus et aliis vestris utilitatibus terram et census de Lindri et de Poili census et terram apud Sanctum Priscum sitam decimam de Vinceles censum quem Petrus canonicus Sancti Sephani circa ecclesiam Beate Marie vobis emit molendinum de Stagno cum ipso stagno pratis et omnibus pertinentiis suis prata ex dono Raaudi in confino Apugniaci molendina supra Belchiam cum pratis et pertinentiis suis molendina que sunt circa villam de Gurgi molendinum quod est juxta Basso vineas juxta ecclesiam Sancti Mariani et Sancti Martini clausum Herberti Crassi Ursi Viatoris clausum quoque Clarini et domum ejus vineam ex dono Gervasii abbatis Sancti Germani locum qui dicitur Sancti Salvii cum omnibus ad se pertinentiis et integram prebendam in ecclesia Sancti Stephani ita tamen ut in celebratione quotidiane misse pro defunctis canonicis et illius misse etiam quam presbiteri canonici per ordinem statutis hebdomadis celebrant debitum eidem ecclesie servitium impendatis Sane novalium vestrorum que propriis manibus aut sumptibus colitis sive de nutrimentis vestrorum animalium nullus a vobis decimas presumat exigere Decernimus ergo ut nulli omnino hominum liceat supradictam eeclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibatas omnia et integra conserventur eorum pro quorum gubernatione et sustentatione concessa sunt usibus omnimodis profutura salva nimirum apostolica sedis authoritate et diocesani episcopi canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi presumptionem suam congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat a sacratissimo corpore et sanguine Dei et Domini redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen amen amen Ego Alexander catholice ecclesie episcopus subscripsi Bene valete Datum apud Montempessulanum per manum Hermanni sancte Romane ecclesie subdiaconi et notarii sexto calendas junii indictione decima Incarnationis dominice anno MCLXII pontificatus vero domini Alexandri pape tertii anno tertio