Charter Document - 02350121

In nomine Domini Ego Hugo Dei gracia Senonensis archiepiscopus notum omnibus fieri volo et presentibus et futuris quum de querelis quas comes Joviniacensis Rainardus reclamabat in villa de Miganna adversus ecclesiam Sancti Juliani Autissiodori unde longo tempore multa inter ecclesiam et ipsum fuerat disceptacio talis per manum nostram et comitis Nivernensis inter eos compositio facta est Domino miserante Comes itaque hospitacionem quam reclamabat tam in propria domo quam in granchiis sanctimonialium in eadem villa Miganne vel in aliis ubicumque eas habuerint quitam omnino clamavit ac benigne dimisit concedens quod de propriis rebus ejusdem ecclesie que tam in ipsa villa quam in aliis villis ad eandem potestatem pertinentibus consisterent nichil deinceps acciperet nec ipse nec sui Concessit etiam comes quod quatuor servientes haberet ecclesia in ipsa potestate Miganne liberos et absolutos ab omni exactione justicia et consuetudine ita quod si comiti forisfecerint eos abbatissa habebit ad justiciam in domo sua Autissiodori nec alibi comiti justiciam exhibebunt et eos poterit mutare abbatissa ad voluntatem suam In mercennariis autem ecclesie sive messoribus undecunque venerint nullam comes aut servientes ejus habebunt justiciam messionem seu quamlibet aliam exactionem nisi fuerint in magno forisfacto presentialiter deprehensi Si quam tamen in eis prius justiciam habebat propter hoc non perdet Preterea de servis ecclesie habebit abbatissa sine contradictione manummortuam sanguinem et de servo ecclesie interfecto plenariam emendationem De pascuis vero ejusdem ville concessum fuit quod abbatisse liceret redigere in prata decem arpennos reliquum vero in pascuis remanebit Denique pro gravibus dampnis que ipse comes ecclesie intulerat pro eo quod illa non poterat ad plenum resarcire donavit ipsi ecclesie partem illam nemoris quod dicitur Sancti Juliani quam adquisierat a canonicis Deiloci De cetero concessum fuit et divisum quod illa omnia de quibus controversia non erat antequam emergeret inter eos contentio deinceps quisque possideat sine contradictione Et hec omnia juravit comes se rata habere et in perpetuum observare Hujus rei testes Girardus abbas Sancti Petri Vivi Senonensis Harduinus abbas Sancti Germani Autisiodorensis Guillelmus archidiaconus Senonensis Guido prepositus Sancti Stephani Autisiodorensis Rainaudus archidiaconus Autisiodorensis Stephanus archipresbiter Autisiodorensis Stephanus cellerarius Petrus Rossellus capellanus abbatisse Guillelmus presbiter de Miganna Guillelmus filius comitis Nivernensis Garnerius de Triennello Bochardus de Selleniaco frater abbatisse Stephanus de Petra Pertusa frater ejus Herbertus de Marriaco Guillelmus de Baserna Garnerus prepositus Autisiodorensis Iterius filius Raaudi Radulfus prepositus abbatisse Odo maior Rainaudus Chenevox Ex parte vero comitis Joviniaci Hisnardus vicecomes Joviniaci Hugo de Prisseio Hugo prepositus Joviniaci et multi alii Hec omnia que superius subnotata sunt laudavit comitissa Joviniaci Aalaidis nomine filia videlicet comitis Nivernensis Actum est hoc apud Basernam anno ab Incarnatione Domini MCLXI Alexandro papa presidente regnante Ludovico rege Francorum Alano Autissiodori presule Guillermo Nivernensi consule