Charter Document - 02350117
| Charter Number: | 02350117 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1160 - 1180 |
| Date type: | Assigned |
| Resource Link(s): |
|
Charter:
In nomine Domini Ego Petrus cognomine de Porta servus et frater Templi Hierosolimitani et magister fratrum qui in Galliarum partibus demorantur notum facio tam futuris quam presentibus quoniam frater Gillebertus magister de Coulours fratri et domino nostro Willelmo ecclesie Beati Johannis Senonensis abbati ejusdemque loci capitulo terram quam habebamus in territorio Senonensi de elemosina Stephani militis cognomine Gorgie quoniam eadem terra nobis multum necessaria non erat vendidit nostroque et fratrum nostrorum assensu in perpetuum habere concessit Nos itaque predictam emptionem que assensu nostro facta est ut rata in perpetuum maneat sigillo nostro roborare curavimus