Charter Document - 02350106
| Charter Number: | 02350106 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1160 |
| Date type: | Internal, A.D. |
| Resource Link(s): |
|
Charter:
Equitatis est forma episcopali providentia dignum pro posse suo res ecclesiasticas sollicite premunire ut in pace conserventur ad presens et in posterum Iccirco ego Alanus Dei gracia episcopus Autissiodorensis omnibus notum volo fieri presentibus et futuris qualiter finita sit et ad pacem revocata quedam contencio que inter canonicos Sancti Mariani et Petrum militem de Gurgiaco emerserat que in hunc modum se habebat Prefatus Petrus querelam faciebat dicens canonicos occupasse de suo jure locum quendam in quo molendinum unum ad parandos pannos extruxerant prope villam nomine Gurgi et ortulum quem juxta molendinum fecerant et terram in ripa fluminis Icaune de qua canonici exclusam molendinorum suorum que ibi habent gravabant E contrario canonici asserebant hec omnia se jure legitimo pro annuali censu possidere Divina itaque largiente clementia controversia hec sic finita est quod predictus Petrus cuncta superius memorata injuste se calumpniasse publice confessus est et preter hec arpentum unum terre in vicinia molendini pro annuali censu sex nummorum et etiam quod ad suum jus pertinebat illius arpenti quod eis censualiter possidendum ibidem concesserat in presentia mea legitime canonicis possidenda perpetualiter concessit et si quid inde calumpnie ortum fuerit garantiam illis se portaturus promisit et de his omnibus per manum meam abbatem Sancti Mariani investivit Actum est hoc apud Autissiodorum publice in domo mea anno Incarnationis dominice MCLX presentibus istis Guillelmo decano Goffrido cantore Germano succentore Hugone lectore Stephano d'Esquant Stephano Bugnun Narjoth de Tuciaco Stephano Rabi Anselmo Plantevairun canonicis Sancti Stephani Fuerunt et alii testes scilicet Petrus scriba Walterus Rufus de Fluri Aalardus Clauserius Laudavit etiam hanc prescriptam pactionem uxor prefati Petri et liberi ejus Hugo et Fillons sub testibus istis a me pro accipienda laude directis Stephano Bugnun Anselmo Plantevairun Petro scriba Waltero Rufo de Fluri Aalardo Clauserio Interfuerunt et alii testes scilicet Hilderius Capels Walterus filius Herberti d'Avineul Herbertus filius Walteri Rufi