Charter Document - 02350100
| Charter Number: | 02350100 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1160 - 1167 |
| Date type: | Assigned |
| Resource Link(s): |
|
Charter:
Ego Alanus Autisiodorensis episcopus notum volo fieri presentibus et futuris quod controversia illa que versabatur inter fratres de Regniaco et dominum [Gibaudus] de Sancto Verano de terra et pratis de Waureta et aliis querelis de nova grangia ita extitit terminata Quod ego et [] et dominus Narjotus de Tociaco aliique quam plures in terra de Waureta convenientes justicie et pacis intuitu prata et terras de nemore de Waureta fecimus de jure fratribus de Regniaco perpetuo restitui Pro damnis vero que dominus Gibaudus vel sui Regniacensi ecclesie irrogaverant fecimus tres solidos a domina de Sancto Verano in manu abbatis Regniacensis emendari omniumque querelarum quas dominus Gibaudus et frater ejus Rainaudus in terra de Waureta et in nova grangia adversus Regniacenses reclamaverant a domina de Sancto Verano et Rainaudo Rungefer qui tunc presens existebat perpetuam fieri quictationem et remissionem Recognitum etiam ibi fuit quod quando terra de Waureta ascensita fuit XL duo arpenta ibi estimata fuerunt et pro unoquoque arpento sex nummi censuales in festo Sancti Remigii assignati Quod si aliquando fratres de Regniaco aut domini quibus census ille debetur nemore extirpato terram voluerint mensurari et amplius quam XL duo arpenta reperta fuerint pro numero arpentorum census augmentabitur si vero minus censui detrahetur in quantum census plus quam numerus est arpentorum redditus fuisse constiterit tantum de persolvendo censu Regniacenses sibi retinebunt donec habeant quod amplius justo persolverunt Porro de medietate census hujus que spectat ad dominum Gibaudum et heredes ejus qui reddendus est in festo Sancti Remigii aut die subsequenti duos solidos pro anima domini Gibaudi et pro dampnis que ipse Regniacensibus irrogaverat Sara uxor ejus et Rainaudus Rungefer in elemosinam jure perpetuo prefate ecclesie contulerunt Hoc totum Sara domina de Sancto Verano et Rainaudus Rungefer in presentia nostra laudaverunt Cujus rei testes sunt Gaufridus abbas de Rupibus magister Radulfus Senonensis Gaufridus de Chancol magister Fromundus Obertus de Marri Iterius sacerdos Willelmus Chacebeuf Rainaudus de Ratilli Ferratus de Sancto Verano Gaufridus Barretus Laudavit etiam uxor Rainaudi Rungefer nomine Mace Laudaverunt et filii domini Gibaudi Gaufridus et Gibaudus in presencia domini Bernardi episcopi Nivernensis sicut ipse nobis litteris suis sigillatis testificatus est Hujus rei testes sunt ipse dominus Bernardus episcopus Nivernensis Willermus de Cona Giraudus de Niverno Giraudus et Hugo de Archon Chavaux et Umbertus Blancharz Ut igitur ista rata et illibata perpetuo permaneant presentis scripti munimine et sigilli nostri auctoritate roborari fecimus