Charter Document - 02350087
| Charter Number: | 02350087 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1158 |
| Date type: | Internal, A.D. |
| Resource Link(s): |
|
Charter:
In Dei nomine ego Girardus Sancti Petri Vivi humilis minister notum facio tam futuris quam presentibus quod venerabilis abbas de Dilo Artaudus nomine petiit a nobis quatinus partem decime quam ecclesia nostra habebat in territorio de Pareto in Otta et in territorio de Villapedis in terris quas ipse et ejus antecessores ecclesie sue adquisierant eidem ecclesie et fratribus in ea Deo servientibus in perpetuum possidendam concederemus Nos autem super hoc cum fratribus nostris habito consilio concessimus ei et ecclesie sue decimam de terris quas ipse vel predecessores ejus in prefato territorio usque ad annum MCLIX adquisierant eo scilicet tenore ut singulis annis fratres de Dilo in festo Sancti Remigii ecclesie nostre duos sextarios frumenti ad mensuram Joviniaci censualiter persolvant Insuper concessimus eis decimam de duabus oschiis quas tenent rustici de Bussiaco De terris autem quas ipsi ultra prefatum annum dominice Incarnationis in predicto territorio quocumque modo adquisierint decimam nostram nobis persolvent Et ut hoc firmum et stabile permaneat scripto commendari nostroque sigillo muniri decrevimus Actum hoc est in capitulo Sancti Petri Vivi anno dominice Incarnationis MCLVIII Stephanus I prior Fulco I Johannes I Andreas Philippus Alnaudus Henricus Stephanus II Alerinus Villermus I Sevinus Odo Erardus Johannes II Fulco II Gauterius I Gauterius II Gauterius III Teobaudus I Albericus Nicholaus Teobaudus II Villermus II Stephanus III Salo Rodulfus Johannes III monachi Landricus puer Helias Bovo pueri Oilardus monachus cantor scripsit