Charter Document - 02350079
| Charter Number: | 02350079 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1157 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Hugo Dei gratia Senonensis archiepiscopus notum fieri volo presentibus et futuris quod Isnardus vicecomes Joviniaci et Bovo et Gilduinus clericus fratres ejus concesserunt ecclesie Pontiniaci et fratribus ibidem Deo servientibus quoddam pratum et terram inter Crientum et Ermenzun sitam contiguam terre Seguini de Sancto Florentino que de jure eorum fuerant libere et quiete in perpetuum possidenda et hoc ipsum predicti fratres Isnardus et Bovo in fide sua spoponderunt se tenere et ubicumque necesse esset jure garantire Insuper et Simon Fornarius cum sepe dicto Isnardo manutenendum suscepit Actum anno Incarnationis dominice millesimo centesimo quinquagesimo septimo Hujus rei testes sunt Simon thesaurarius Senonensis Mattheus precentor Rainerius Brainensis Milo de Chanloth Givaudus et Odo fratres ejus Boso de Chanloth et alii quamplures