Charter Document - 02350062
| Charter Number: | 02350062 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1147 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus Sancti Amen Ego Henricus Trecensis episcopus notum volo fieri omnibus hominibus tam presentibus quam futuris quod Josbertus filius Tecelini de Villa Mauri et Milo frater ejus quicquid in tota Hota Pontiniacensis ecclesia possidet quod jure aliquo ad eos videtur pertinere sive in proprio sive in casamento fratribus predicte ecclesie jure perpetuo possidendum concedunt et laudant Laudant etiam nichilominus quicquid de casamento eorum Pontiniacenses fratres adquirere poterunt et in omnibus nemoribus suis omnem usuariam tam ipsis fratribus quam pecoribus eorum et in ceteris terris pasturam Hujus concessionis et laudationis eorum testes sunt Garnerius de Fagis Richerius Vitulus Gauterius de Pentecosta Hugo de Malo Passu Gauterius []ba Milo de Villa Mauri Actum anno ab incarnatione Domini MCXLVII quo Lodovicus rex Francorum et Aquitaniorum dux Jerosolimam profectus est ad expugnandos christiani nominis inimicos