Charter Document - 02350037
| Charter Number: | 02350037 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1101 |
| Date type: | Internal, A.D. |
| Resource Link(s): |
|
Charter:
Ego Robertus Dei miseratione Lingonensis ecclesie episcopus notum facio presentibus et futuris quod pro anime mee salute donavi monasterio Molismensi de voluntate et assensu capituli nostri ecclesiam de Noeriis cum capella in castro sita jure perpetuo possidendam de qua donatione sollempniter investivi reverendum virum Robertum primum ejusdem monasterii abbatem Statuens etiam et de consensu capituli nostri disponens ut monachi apud Noerias Deo servientes in cunctis oblationibus que ad manum venerint sacerdotis tam in eadem ecclesia quam et capella medietatem percipiant et similiter in tricenariis confessionibus reconciliationibus benedictionibus nubentium procurationibus presbiteri cum redimuntur in baptisteriis testamentisque morientium sive parvulorum recenter obeuntium post baptisma medietatem percipiant et presbiter alteram qui nichil percipiet in hiis que ad manus venerint monachorum nec in fundo terre nec pratis nec vineis nec nemoribus si inde fiat eis elemosina que omnia cum supradictis libere possidebunt et quiete Cum vero eadem ecclesia presbitero vacaverit monachi ydoneum Lingonensi episcopo presentabunt eoque de cura ab episcopo investito tenebitur accedere apud Molismum suam publice in capitulo fidelitatem de conservandis eorum reditibus facturus sicut eorum justiciarius quantum in temporalibus constitutus Quisquis igitur deinceps eosdem monachos super hiis infestare presumpserit donec ad emendationem venerit a corpore et sanguine Domini sequestretur Testes inde sunt Amauricus decanus noster Jocelinus et multi alii Actum est hoc Lingonis et solempniter in capitulo collaudatum nostroque confirmatum est sigillo anno ab incarnatione Domini MCI