Charter Document - 02350034
| Charter Number: | 02350034 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1080 |
| Date type: | Internal, Regnal |
| Resource Link(s): |
|
Charter:
In nomine sancte summe et individue Trinitatis ego Gaufridus Jauviaci comes non valens dominici precepti mundana relinquere et se sequi jubentis perfectionem obtinere cupiens tamen quandoque hereditatis illius fore particeps quam duplicia possidendo in terra viventium hereditabunt hic vitam celilem imitantes Christum terram honoris quam ipso disponente et jure hereditario suscepi participare ut illum in celis coheredem habere merear officio Concedo itaque Deo si dici fas est ejusque sanctissime genitrici locoque de Charitate cognominato famulantibus monachis ecclesiam Sancte Marie foras castrum Jauviaci sitam in eadem sue congregationis monachos constituentes divine servitutis officia celebraturos instituant in quorum usibus ecclesiam Sancti Joannis parochialem cum capella Sancti Martini et capella Sancti Theobaldi concedo ut omnes reditus consuetudines sicut ego habebam absque ulla retentione ex eis perpetualiter habeant item omnes offerendas decimas ac sepulturas et baptisterium ceterasque res et ut quos voluerint legitimos in eis presbyteros instituant Dono quoque eisdem in burgis suis et in alia terra quam habuerint omnes justicias et consuetudines quas inde habebant pastinacium quoque quod in dominio suo habuerint et ut assidue piscatorem unum in foresto meo Yone fluvii habuerint ad quod trado eis Hervaldum servum meum in precipuis autem festis vel si necessitas precepitis hospitibus exegerit quantos voluerint piscatores in eodem foresto adhibeant Laudo etiam et concedo si quid de casamento meo eis datum fuerit cum consuetudinibus meis et justiciis laudantibus hec et ex animo assentientibus uxore mea et liberis Gaufredo atque Rainaldo laudantibus etiam dompno Richerio Senonensi archiepiscopo et Hylduino archidiacono et Walterio archidiacono et Bernuino archidiacono Herbertoque archidiacono et decano atque Fortunido preceptore et Herberto archipresbitero Hujus rei testes sunt qui affuerunt Robertus episcopus Autissiodorensis Gilduinus vicecomes Gosselinus de Corteniaco Wido de Siligniaco Herbertus filius Garnerii et ejus frater Walterius et Garnerius Herlebaldus de Vinemera Bosco filius Garnerii Alberalde Seguinus Ingranni Seguinus Infans Folco Walterius ad Barbam Gobertus prepositus et alii quam plures Actum apud villam Cesiacum anno Incarnationis dominice millesimo octogesimo indictione tertia presentibus domino Ameto Alpelino quoque et Bardinio monachis de Charitate temporibus domni Gerardi prioris primi regnante Philippo Francorum rege anno vigesimo