Charter Document - 02350033
| Charter Number: | 02350033 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | Assigned |
| Resource Link(s): |
|
Charter:
Quia mortalis vite labente curriculo mentibus mortalium quasi naturaliter inheret oblivio presentium futurorumque scripto revocetur memorie quod Nivilonis de Merlenniaco filius Herveus scilicet cum suis fratribus Nivilone et Phylippo cum matre sua Ada et sorore Ermengardi in die qua sepultus est frater eorum Gosbertus in capitulo Molismensi in presentia monachorum assistentibus Milone comite de Barro et Walterio de Montiniaco et Rainardo de Montebarro confirmaverunt et laudaverunt donum et elemosinam quam fecerant de Artunniaco Deo et Sancte Marie Molismensi et monachis ibidem Deo servientibus antecessores eorum Nivilo videlicet pater eorum qui factus fuerat monachus ecclesie Molismensis qui quartam partem de Artunnaco sancte dederat Marie Molismensi et medietatem ejusdem potestatis quam Theobaudus Rufus eorum consanguineus prefate dedit ecclesie quartam etiam partem quam dedit prefatus Gosbertus ejusdem potestatis sicut sibi reliquerat in hereditate patruus suus Guido de Merlenniaco adstante igitur et hoc idem confirmante Sibilla uxore sepe dicti Gosberti tam ipsa quam hii quos prediximus dederunt et concesserunt Deo et Sancte Marie et abbati Widoni et monachis Molismensibus et nunc et in perpetuum pro animabus antecessorum suorum Nivilonis videlicet Theobaudi et Guidonis aliorumque omnium villam Artunnacum cum omnibus appendiciis et usuariis suis tam in servis quam in ancillis pratis et campis pascuis saltibus et planis montibus et vallibus fluminibus aquarumque decursibus venationibus et omnibus aliis consuetudinibus que ad Artunnacum pertinent vel pertinuerunt ut habeant hec monachi Molismenses in omni potestate et libertate sine calumpnia et impedimento alicujus usque in sempiternum Testes sunt ex hoc idonei Milo comes de Barro Gauterius de Montiniaco Rainardus de Montebarro Ricardus et Bartolomeus Silvaticus Bruno de Rubeomonte Pontius de Argentolio Olricus Male Custoditus et de familia monachorum Marinus maior Walannus Johannes Bonellus Ingelbertus et multi alii