Charter Document - 02350011
| Charter Number: | 02350011 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1079 |
| Date type: | Assigned |
| Resource Link(s): |
|
Charter:
Hec conventio facta est presente Richerio Senonensi archiepiscopo inter Drogonem Berengarii filium et Guillermum Sancti Remigii Senonensis abbatem atque ceteros fratres ejusdem ecclesie post cremationem ville que Scabias nuncupatur quod omnes exactiones et injustitias quas vulgo justitias vocant et quas idem Drogo in eadem villa ibi usurpare solebat tam in atrio quam foris atrium atque super omnes hospites et consuetudinaria supra nominati Sancti penitus dimittit et jus Richerio archiepiscopo de preteritis malefactis facit et penitentiam inde capit preter hoc quod in vicaria sua presentialiter forisfactum indulserit Et si clamor ad illum venerit de aliquo hospite Sancti Remigii qui de Drogone terram hospitalem teneat sed propter terram illam quam de illo tenet ad jus venire voluerit non idcirco prohibebit terram arabilem vel silvam vel herbam ad fovenda pecora aut omnino cetera commoda totius circuitus ville preter illam solam hospitiam quam de illo tenet de ipsa vero quicquid sibi placuerit facere potest bannum vero ex utraque parte Drogonis scilicet et abbatis dimissum est Neuter vero alterius hospitem qui ante cremationem ville fuerat nisi alter ex alterius licentia suscipiat super captionem illam quam taliam vocant omnino dimisit et suffragium quod injuste capere solebat similiter dimisit Sin vero idem Droco in villam supradictam venerit ad ejus prandium componendum minister ejus super hospites Sancti Remigii nihil rapiat neque porcum neque arietem nec etiam gallinam vel galline pullum similiter nec anserem si forte intercepit aliquid horum que diximus equivalente pretio comparare suo non differat Hoc autem totum factum est concedente conjuge Columba et filio quem de alia genuit Huic conventioni interfuerunt ex parte Drogonis uxor ejus Columba et Berengarius frater predicti Drogonis et filius ejus Gaubertus et Hibertus de villa que vulgo vocatur Bohemias et Odo de Manniaco et Hildericus Mainardi filius ex parte abbatis Richerius archiepiscopus Senonensis in cujus presentia hoc totum factum fuit Hilduinus archidiaconus Heribertus decanus Frotmondus precentor Manasses miles Gaufredus miles Salo miles Fulco laicus Odo de Toriniaco miles Odo de Gysiaco miles Rynardus serviens Leodericus serviens Durannus serviens Constantius serviens Heribertus serviens Durandus de Valliliis Cretriacis Robertus de Sarbiis