Charter Document - 02350007
| Charter Number: | 02350007 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0937 |
| Date type: | Internal, Calendar, Regnal |
| Resource Link(s): |
|
Charter:
In nomine Domini Dei eterni et salvatoris nostri Jhesu Christi Ludovicus misericordia Dei rex Quicquid locis sacris divinis cultibus mancipatis per preceptum nostre regalis celsitudinis largimur hoc nobis ad presentem vitam felicius transigendam et ad eternam facilius capescendam profuturum credimus Noverit igitur omnium sancte Dei Ecclesie fidelium tam presencium quam et futurorum sollercia quoniam venerabilis abbas Hugo ex cenobio Sancti Germani Autisiodorensis monasterii ad nostram accedens excellenciam precatus est ut predicto monasterio Sancti Germani quasdam res proprietatis nostre concederemus Cujus peticionibus libenter annuentes dedimus prefato monasterio Sancti Germani quandam villam que dicitur Modolaius cum ecclesia in honore Sancti Petri constructa quam Conradus comes concambiavit cum fratribus monasterii Sancti Germani de dote mulieris sue Valdrade quam eciam villam legitime auctorari non potuit quia fuit in fisco per bannum domni Karoli imperatoris qui dedit ipsam villam Bosoni comiti Boso vero ob amorem et remissionem delictorum anime senioris sui impetravit prescriptam villam apud dominum regem Ludovicum fratribus monasterii Sancti Germani cum omnibus appendiciis suis et quicquid in Tornorensi comitatu de eadem villa in Albonna villa aspicit et quicquid in Autisiodorensi comitatu in villa Ticisnao et Rivisiaco pertinere videtur Concessimus igitur fratribus monasterii Sancti Germani prefatas res cum omnibus adjacenciis cum silvis pratis vineis aquis aquarumve decursibus molendinis pascuis exitibus et regressibus Ut autem hec nostre auctoritatis precepcio firmam et inviolabilem semper in Dei nomine optineat firmitatem anuli nostri impressione jussimus eam insigniri manu propria subter signantes Datum IV kalendas februarii indictione X anno primo domni Ludovici serenissimi regis Actum Noviniaco civitate in Dei nomine feliciter Amen