Charter Document - 02340385
| Charter Number: | 02340385 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1148 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris quod abbas Sancti Petri Vivi Herbertus nomine dimisit et concessit ecclesie Vallis lucentis omnem terram quam ecclesia Sancti Petri Vivi habebat in territorio Curginei et Poisei et in plano et in bosco excepta quadam terra que ad elemosinarium pertinebat unde reddebantur ei decem et octo nummi et tres emine avene tali conditione inter duas ecclesias habita quod ecclesia Vallis lucentis persolveret ecclesie Sancti Petri Vivi pro illa terra unoquoque anno in festo Sancti Remigii tria sextaria pisorum et tria sextaria avene Et ut hoc ratum habeatur sigilli sui impressione signavit Quodam vero interposito temporis intervallo idem abbas Herbertus eandem terram et totum censum ecclesie Vallis lucentis vendidit pro emenda alia terra commodiore sibi et utiliore quam emit a Milone de Basochis in territorio Silviniacensi Quod monachi aliquandiu laudare recusantes tandem precibus domini pape Eugenii et Lodowici regis Francorum et Bernardi abbatis Clarevallensis laudaverunt et terram illam ecclesie Vallis lucentis habendam et perpetuo possidendam concesserunt Hoc laudavit omne capitulum Jolduinus scilicet prior ejusdem ecclesie Sancti Petri Vivi Walter prior de No[]