Charter Document - 02340384

Adrianus episcopus servus servorum Dei dilecto filio Guizardo abbati monasterii Sancte Marie de Pontiniaco ejusque fratribus tam presentibus quam futuris regularem vitam professis in perpetuum Religiosis desideriis dignum est facilem prebere consensum ut fidelis devotio celerem sortiatur effectum Ea propter dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona idem monasterium inpresentiarum juste et canonice possidet et in futurum procurante Domino poterit adipisci rationabiliter firma vobis vestrisque successoribus et illibata permaneant In quibus hec propriis duximus exprimenda vocabulis Abbatiam de Pontiniaco cum omnibus pertinentiis suis grangiam Sanctam Porchariam Bunionem Creceium Challiacum Burs Vilers Aigremontem Campum Inventum Folcherias Aiglisoles cum omnibus pertinentiis earum in nemoribus in planis pratis aquis usuaria quoque in universa Otta et in nemoribus que ad Senonensem archiepiscopum et Trecensem episcopum pertinent sicut ab eis pia vobis devotione concessum et scripti sui pagina noscitur confirmatum Statuimus etiam ut infra circuitum grangiarum vestrarum nullus omnino hominem capere vel furtum aut rapinam facere seu violentiam aliquam exercere presumat Addicimus preterea ut infra spatium dimidie leugue circa grangias vestras et precipue circa grangiam Seveie domum aliquam de novo ad habitandum nulla penitus ecclesiastica secularisve persona sine conscientia et permissione vestra facultatem habeat construendi Si quis autem id attentare presumpserit canonica sententia percellatur Sane novalium vestrorum que propriis manibus aut sumptibus colitis sive de nutrimentis vestrorum animalium nullus a vobis decimas presumat exigere Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione et sustentatione concessa sunt usibus omnimodis profutura salva sedis apostolice auctoritate Si qua igitur in futurum [] Ego Adrianus catholice ecclesie episcopus S Suivent les signatures des cardinaux Datum Laterani per manum Rolandi sancte Romane ecclesie presbiteri cardinalis et cancellarii XV kalendas junii indictione V Incarnationis dominice anno MCLVI pontificatus vero domni Adriani pape IV anno III