Charter Document - 02340372
| Charter Number: | 02340372 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1155 |
| Date type: | Internal, A.D. |
| Resource Link(s): |
|
Charter:
In nomine sancte Trinitatis amen Ego Ludovicus Dei gratia Francorum rex notum facimus universis presentibus et futuris quod ecclesia Sancti Johannis Senonensis quamdam villam habebat Chesiacum nomine que posita in mala vicinia affligebatur graviter et vastabatur Obtentu defensionis et gratia emendationis imposterum abbas ejusdem loci Gilibertus assensu capituli sui collegit nos ad medietatem totius ville in quibuscumque reditibus undecumque sint seorsum retentis herbergagio suo ecclesia et decima tota et duobus arpentis prati et usuario nemoris ad opus ejusdem domus et iterum ad opus domus de Cabriaco in omnibus aliis quecumque ibidem sint et deinceps futura sint medietatem unam canonici et nos et successores nostri alteram habebimus medietatem hac servata immobiliter conventione quod regie liberalitati non liceat suam medietatem donare alteri persone vel ecclesie nullusque omnino partem regiam habere nisi ecclesia Sancti Johannis valeat In villa autem eadem nos et ecclesia communiter servientem constituemus qui nobis pariter et abbati faciat fidelitatem Quod ut ratum sit imposterum sigilli nostri auctoritate et nominis nostri charactere fecimus confirmari Actum Sistigiaci anno Dominice Incarnationis MCLV astantibus in palatio nostro quorum subtitulata sunt nomina et signa S comitis Theobaldi dapiferi nostri S Guidonis buticularii S Mathei camerarii S Mathei constabularii Data per manum Hugonis cancellarii