Charter Document - 02340370
| Charter Number: | 02340370 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1155 |
| Date type: | Internal, A.D., Episcopal |
| Resource Link(s): |
|
Charter:
In nomine sancte et individue Trinitatis ego Herveus prepositus totusque Senonensis ecclesie conventus tam futuris quam presentibus notum facimus quod terram arabilem que est sita inter plesseium Hugonis Esventi et nemus Beati Stephani ante granchiam Cavarie que etiam versus Palliacum respicit ecclesie Arriparensi et tibi Harduine venerabilis ejusdem ecclesie abbas tuisque successoribus in perpetuum quiete et pacifice possidendam unanimiter concedimus ea siquidem intercedente pactione quod singulis annis in festivitate Sancti Remigii duos sextarios frumenti duosque tremesii Senonis in cellario nostro persolvetis Hoc autem ut ratum habeatur presentis pagine scripto muniri et sigilli nostri auctoritate roborari fecimus subscriptis personarum ecclesie nostre nominibus et fratrum nostrorum qui ejusdem rei actores extiterunt et testes Actum publice in capitulo nostro anno ab Incarnatione Domini MCLV pontificatus autem archiepiscopi nostri Hugonis IIIIX Herveus prepositus Odo decanus Willelmus archidiaconus Symon thesaurarius Symon cellerarius Rainaldus Pruvinensis archidiaconus Gosbertus sacerdos Robbertus et Theo diaconi Gosebertus et Symon subdiaconi Matheus precentor et cancellarius scripsit