Charter Document - 02340369
| Charter Number: | 02340369 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1155 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Quoniam que dicunt homines vel faciunt facile solet delere labilis oblivio ut firma sint et rata scripto ea mandari decrevit antiqua patrum traditio Ea propter ego Hugo Dei gratia Senonensis archiepiscopus notum fieri volo tam presentibus quam futuris hominibus quandam controversiam ortam inter monachos de Karitate aput Sanctum Sidronium degentes et canonicos de Deiloco que ante dominum papam delata eodem domino papa precipiente coram episcopis Trecensi scilicet et Autissiodorensi diu ventilata demum determinata est et pacificata hoc modo Monachi causabantur infra territorium grangie canonicorum que Villapei dicitur grangiam et culturam se antiquitus habuisse et cimeterium ville que Villapei vocabatur tenuisse et hec canonicis reliquerunt et canonici pacis et amicitie gratia plasseium quod circa grangiam monachorum est que Vallis Revennia dicitur quod sui juris esse canonici dicebant monachis dimiserunt Partiunculam etiam terre quam monachi habebant infra terras canonicorum eisdem canonicis dimiserunt et canonici congruum eschangium prope territorium monachorum de terris suis monachis dederunt Si igitur futuris temporibus terram quam monachi canonicis dederunt aliquis calumniari temptaverit monachi eam jure per omnia canonicis adquietabunt Similiter si terram quam canonici monachis dederunt quilibet auferre monachis voluerit canonici eam per omnia jure eis adquietabunt Quod ne futuris temporibus deleret oblivio scripto mandatum et sigillorum nostri videlicet et prioris de Karitate auctoritate confirmatum est et testium honestorum articulatione corroboratum Testes sunt Girardus abbas Sancti Petri Vivi Odo abbas Sancte Colombe Stephanus abbas Sancti Remigii Rainardus abbas Ferrariensis Duvalo abbas Pulteriensis Garnerus abbas Castri Landonis Helveus prepositus Guillermus archidiaconus Odo decanus Simon thesaurarius Guido prepositus Autissiodorensis Stephanus cellerarius Rainerus de Brana Landricus de Draci Actum est publice anno Verbi Incarnati MCLV