Charter Document - 02340365
| Charter Number: | 02340365 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1154 - 1161 |
| Date type: | Assigned |
| Resource Link(s): |
|
Charter:
Ad cavendas que per successiones fiunt calumpnias litteris tradere curavimus quoniam querela erat inter Willermum comitem Nivernensem et Arduinum abbatem Sancti Germani Autissiodorensis de quibusdam consuetudinibus quas habet idem comes in villis Sancti Germani Digia et Escanno salvo jure ecclesie et salvis consuetudinibus comitis Concessit idem comes ut ea que vel ipse vel homines sui seu filius ejus vel sui tempore guerre sue quam habuit cum Nargaldo de Tociaco et Willelmo de Donna Petra et Gibaldo de Sancto Verano in eisdem villis fecerant vel aliquo modo ceperant nullam vim vel ad jus constituendum vel ad faciendam consuetudinem obtinerent Concessit eciam ut augmentatio illa que in curia de Escanno ejus consilio et assensu a supradicto abbate facta est eadem libertate innitatur et eisdem consuetudinibus consistat quibus ante factam augmentacionem prior curia consistebat Testes Rainaldus prior de Karitate et sexdecim alii in carta notati