Charter Document - 02340361

Anastasius episcopus servus servorum Dei venerabili fratri Alano Autissiodorensi episcopo ejusque successoribus canonice substituendis in perpetuum Que a predecessoribus nostris per judicium vel concordiam acta esse noscuntur in sua volumus stabilitate persistere ut imposterum robur obtineant confirmationis nostre munimine roborari Ea propter dilecte in Domino fili Alane episcope tuis justis petitionibus gratum accommodantes assensum concordiam quam predecessor noster sancte memorie papa Eugenius super controversia que agitabatur de monasterio Beati Germani inter Hugonem bone memorie predecessorem tuum et dilectum filium nostrum Petrum Cluniacensem abbatem et monachos Sancti Germani fecisse dignoscitur nos ejus vestigiis inherentes apostolice sedis auctoritate firmamus precipientes ut in abbatia Sancti Germani sine Cluniacensis abbatis consilio abbas nullatenus eligatur electum vero approbandi vel reprobandi canonice et si dignus fuerit in abbatem benedicendi tam tu quam successores tui habeatis liberam facultatem benedictus autem obedientiam episcopo Autissiodorensi promittat Depositio quoque ipsius si talis quod absit apparuerit judiciario ordine facienda et tam abbatis quam monachorum canonica correctio ad te nihilominus pertinebit Chrisma oleum sanctum consecrationes altarium vel basilicarum ordinationes monachorum vel clericorum qui ad sacros ordines fuerint promovendi abbas et monachi Sancti Germani ab Autissiodorensi episcopo tamquam a diocesano accipiant donec gratiam apostolice sedis habuerint Preterea memorati predecessoris nostri pape Eugenii statuta sequentes presentis scripti pagina confirmamus ne quod a prefato Cluniacensi abbate de investitura per baculum ipsi abbati Sancti Germani factum est tibi vel ecclesie tue imposterum prejudicium faciat vel aliquod inferat detrimentum et ne de cetero abbas Sancti Germani a Cluniacensi abbate investituram per baculum suscipiat prohibemus Si quis autem hujus nostre confirmationis paginam sciens contra eam temere venire tentaverit honoris et officii sui periculum patiatur aut extrema ultione plectatur nisi presumptionem suam digna satisfactione correxerit Ego Anastasius catholice ecclesie episcopus Suivent les signatures des cardinaux Datum Laterani per manum Rolandi Romane ecclesie presbyteri cardinalis et cancellarii VI calendas maii indictione II Incarnationis Dominice anno MCLIV pontificatus vero domini Anastasi IV pape anno primo