Charter Document - 02340360
| Charter Number: | 02340360 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1154 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Guillelmus comes Nivernensis notum fieri volo omnibus hominibus presentibus et futuris quod Bartholomeus de Lanniaco concessit et laudavit ecclesie Pontiniacensi quidquid quicumque homo tenebat ab eo in toto territorio Sancta Porcarie sive in nemoribus sive in planis sive in pratis sive in aquis exceptis quinque solidis de censu quos memorata ecclesia reddebat Guiardo Cato de Lanniaco Concessit iterum idem Bartholomeus supradicte ecclesie ut in nullis aquis que ad eam ecclesiam pertinent tam ipse quam ejus successores aut pro eis alii quilibet ullatenus piscarentur Hoc totum laudavit Ermengardis uxor ipsius Bartholomei et Johannes et Daimbertus filii ejus Hujus rei testes sunt Guiardus de Saliniaco et Gauterius de Sancto Sidronio monachi Pontiniacenses Theobaudus et Stephanus clerici nostri Obertus de Jalliaco Raaldus ab Autissiodoro Guiardus de Sancto Mammerto Guiardus Bellarea et Radulfus tallator Actum Lanniaci ante turrem meam anno ab Incarnatione Domini millesimo centesimo quinquagesimo quarto