Charter Document - 02340358
| Charter Number: | 02340358 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1153 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Dei gratia Senonensis archiepiscopus Hugo notum fieri volo tam presentibus quam futuris quod Guiardus miles dedit sanctimonialibus Pomerii pro suscipienda filia sua terram de Cornilleo que est inter nemus et vineas ejusdem ville et totam terram Romagne cum clauso et nuceariis et aliam partem terre que est inter Romagnam et nucearium defuncti Oberti terram quoque in qua Petrus manet terram quoque quam Joscenius tenebat et dimidiam terram putei et tres denarios census quos sanctimoniales solvebant ei de terra Galterii Brusle aliosque tres denarios census quos Phillis uxor Richerii debet de terra Cornillei et unum denarium de ostisia in qua ipsa manet quartam quoque partem decime Compenniaci quam ipse et frater ejus Garnerius quoque dedit terram et nemus de Charceio quam emit a Guiardo filio Berte Hoc donum si quis calumniatus fuerit Guiardus et Garnerius quietum facient ab omni calumnia Quod si non poterunt dabunt commutationem laudabilem consilio meo et assensu Pomeriensium Hujus conventionis me ipsum fide jussorem dederunt per feodum quem Guiardus ipse tenet de me apud Nailliacum Insuper ut firmum maneat sigillo meo confirmavi Hujus rei testes sunt Odo decanus Simon thesaurarius Rainaldus archidiaconus magister Josbertus Joisbertus de Jaunia Hilbertus canonicus Bartholomeus dapifer Teobaldus monetarius et Stephanus Gorgia Actum Senonis anno ab Incarnatione Domini MCLIII indictione quintadecima Ludovico rege Francorum