Charter Document - 02340357
| Charter Number: | 02340357 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1153 |
| Date type: | Internal, A.D. |
| Resource Link(s): |
|
Charter:
Per hujus carte testimonium ego Henricus Dei gratia Eduensis episcopus notum fieri volo presentibus et futuris quod Ivo de Avalone et uxor ejus et soror ejus uxor Galdrici et Galdricus maritus ejus et filii eorum Hugo Catins et uxor ejus Galdricus canonicus Avalonensis et Kalo frater ejus assensuaverunt fratribus Regniacensi ecclesie eorumque successoribus jure perpetuo totam terram quam habebant inter rivum de Cresseant et boscum domini Montisregalis usque ad rivum qui venit de Monte Jalen et pratum de stagno pro tribus bichez de ble uno anno frumentum et altero tremisiage Hujus rei testes sunt Hermannus archidiaconus Hugo clericus frater prepositi Landricus de Draci et Hugo clientulus ejus Rainaudus vicecomes Tornodorensis et Hugo Catins frater ejus Galdricus canonicus et Kalo frater ejus Wichardus prepositus Avalonensis Gaufridus de Castelet Hugo Lupus Obertus de Atrebato De laudatione Guidrici et uxoris ejus testes sunt Willelmus quondam abbas de Scarleiis Ansericus dominus Montisregalis et uxor ejus Adelaidis Hugo Lupus et Andreas sororius ejus et Ivo sororius Gaudrici et Hugo Aurelianensis famulus Viterii cellerarii et multi alii Facta sunt hec anno ab Incarnatione Domini MCLIII epacta XXIII indictione I concurrente tertio