Charter Document - 02340346
| Charter Number: | 02340346 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1152 |
| Date type: | Internal, A.D., Calendar, Papal |
| Resource Link(s): |
|
Charter:
Eugenius servus servorum Dei dilectis filiis Fulconi abbati ecclesie Beati Johannis Evangeliste que juxta muros Senonensis civitatis sita est ejusque fratribus tam presentibus quam futuris regularem vitam professis in perpetuum Quotiens illud a nobis petitur quod religioni et honestati convenire dinoscitur animo nos decet libenti concedere et petentium desideriis congruum impertiri suffragium Ea propter dilecti in Domino filii vestris justis postulationibus clementer annuimus et prefatam ecclesiam in qua divino mancipati estis obsequio sub beati Petri et nostra protectione suscipimus et presentis scripti privilegio communimur statuentes ut quascumque possessiones quecumque bona eadem ecclesia in presentias juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Ecclesiam Beati Georgii de Matriolis Ecclesiam Beati Sulpicii de Viciniis cum omnibus appenditiis ejus Ecclesiam Beate Marie de Sosiaco Ecclesiam Beati Petri de Carris Ecclesiam Beati Sulpicii de Nibella Ecclesiam Beate Marie de Vois Ecclesiam Beati Martini de Capriaco Ecclesiam Beati Stephani de Castro Rainardi Ecclesiam Beate Genovefe Ecclesiam Beati Georgii de Viconovo Ecclesiam Sancte Marie de Monteargio Ecclesiam Sancti Leonis in suburbio Senonensi Ecclesiam Sancte Marie de Gresso Ecclesiam Beati Martini de Noein cum omnibus earum appendiciis Ex dono Senonensis capituli ecclesiam Sancti Salvatoris In Meldensi episcopatu ecclesiam de Peceio Et ecclesiam de Miraldo cum omnibus ejus pertinentiis In Aurelianensi parrochia ecclesiam Beate Marie que nuncupatur inter murum et fossatum cum omnibus pertinentiis suis Annuos quoque reditus singularum prebendarum decedentium canonicorum Senonensis ecclesie quemadmodum a communi capitulo ejusdem ecclesie vobis rationabili providentia collati et scripti sui pagina confirmati sunt favoris nostri auctoritate vobis nichilominus confirmamus Decernimus ergo ut nulli omnino hominum liceat [] + Ego Eugenius catholice ecclesie episcopus S Datum Signie per manum Bosonis sancte Romane ecclesie scriptoris XI kalendas julii indictione XV Incarnationis dominice anno MCLII pontificatus vero domini Eugenii III pape anno VIII