Charter Document - 02340343
| Charter Number: | 02340343 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1152 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Ego Ludovicus Dei gratia rex Francorum et dux Aquitanorum Quecunque monasteriis et pauperibus Christi conferuntur ad nostram spectat benignitatem ea approbare et confirmare et per collatam nobis divinitus potentiam eadem protegere Proinde notum sit universis presentibus et futuris quod in presentia nostra Galterus Breepeure Maria uxore sua assentiente fratribus Scharleiensibus in perpetuum donavit quicquid habebat in loco qui Paleciacus dicitur et de beneficio ecclesie XXV libras habuit Nepos Galteri Fulco de Sancto Andrea laudavit donum et XXX solidos habuit de karitate fratrum Fulco Vitulus de cujus feodo movebatur simul cum filio suo Stephano assensum suum huic dono prebuit et laudavit unde et XL solidos habuit Nos denique ad plenam totius negocii confirmationem factum istud laudavimus et ne cujuspiam calumpnia vel violentia predictis fratribus deinceps super hoc nocere possit nostri sigilli auctoritate fecimus confirmari Actum Lorriaci anno ab Incarnatione Domini MCLII astantibus in palatio nostro quorum ascripta sunt nomina et signa S Guidonis buticularii S Mathie constabularii S Mathie camerarii Data per manum Hugonis cancellarii