Charter Document - 02340334

In nomine sancte et individue Trinitatis ego Hugo ecclesie Senonensis archiepiscopus notum fieri volumus universis presentibus et futuris quod Salo de Boolliaco dedit Deo et ecclesie Sancte Marie Deiloci et canonicis ibidem Deo servientibus quicquid habebat et quicquid alius ab eo tenebat in molendino et in piscatione de Fricambaut tali sub conditione ut singulis annis ei solverent duos modios annone Cui cum multis annis eos exsolvissent et in area de Fricambaut duo molendina construxissent ad pacis et amicicie custodiam inter Salonem et Deilocensem ecclesiam in molendinis eum associaverunt et centum ei solidos dederunt tali pacto ut annonam supradictam amplius non reciperet sed expensarum tam excluse quam molendinorum et piscationum in omnibus medietatem solveret et reddituum mediam partem acciperet et si de molendinis vel eorum pertinentiis eis aliqua calumnia exurgeret ipse eam per omnia jure eis pacificaret quod sub fidei sue sacramento fideliter facturum se promisit et concessit eis omnes veteres usus quos molendinum vel exclusa sive piscatio in rebus Salonis habere solebant antiquitus laudante hoc Emmelina uxore Salonis cui pro laude ista quedam vacca cum vitulo suo data est a canonicis Hujus rei testes sunt Burchardus de Sellenniaco Mainardus de Turne et Jolduinus filius ejus Iterus de Mellenniaco Johannes de Venossa Giraudus de Canlosto Petrus Turgis Bovo de Jalgis Petrus de Bolle procurator Salonis Daimbertus autem dominus Sellenniaci laudavit hec omnia de cujus feodo erant molendina et eorum pertinentia et concessit canonicis quatinus si Saloni militi casato suo quicquam aliud ibi cum molendinis edificare promiserit ipsi cum eo absque ulla calumnia licenter edificent ac libere possideant laudante hoc Alpazide uxore illius ac Auvalone filio ejus et Burchardo fratre suo Guiardo quoque Malo Clerico qui quasdam calumnias inferebat canonicis super eodem commercio Dederunt igitur canonici Dainberto pro laude hac tredecim libras denariorum filio ejus Auvaloni equarum pullum Guiardo Malo Clerico viginti solidos et reddent singulis annis Saloni quindecim denarios census in crastina die Nativitatis Dominice Guiardo Malo Clerico quinque Ne futuris ergo temporibus super hoc aliquis calumniam inferat canonicis Deilocensibus litterarum inscriptione sigilli nostri impressione et testium intitulatione confirmare curavimus Testes sunt Manasses Trecensis archidiaconus Guiardus monachus Pontiniacensis Galterus Botsacred Petrus canonicus Senonensis Milo canonicus Trecencis Teodericus Bucca Ferri Ansellus Bussellus Stephanus de Canvalone Giraudus et Odo et Boso de Canlosto Avinus famulus Petrus Turgis Frodo et Garnerus de Briennone Actum est publice anno ab Incarnatione Domini millesimo centesimo quinquagesimo primo regnante Ludovico Juniore in Francia