Charter Document - 02340332

In nomine sancte et individue Trinitatis ego Hugo Senonensis archiepiscopus notum fieri volumus universis presentibus et futuris qualiter contentionem quandam que fuerat inter canonicos Deiloci et Stephanum de Canvalone pacificavimus Canonici partem quandam territorii de Tori super qua calumniam eis inferebat Stephanus ei tali pacto dimiserunt quatinus si non habens heredem ex uxore sibi desponsata ex hac vita discederet partem illam quam prediximus sed et quicquid habebat in territorio de Tori ecclesia Deilocensis in perpetuum possideret Cujus rei testes sunt Manasses Trecensis archidiaconus Guiardus de Sellenniaco Galterus Bozsacrez monachi Pontiniacenses Petrus capellanus noster Milo canonicus Trecensis Mainardus de Turni et Jolduinus filius ejus Petrus Turgis Petrus Lonbardus Quando venit ergo tempus in quo Deus in cujus humana conditio potestate consistit eum solvere nature jura disposuit corporis eum incommoditate gravi tetigit Pacti igitur quod cum canonicis Deilocensibus inierat recordatus quicquid habebat in territorio de Tori ecclesie Deilocensi tribuit Quo defuncto et apud Deilocum sicut vivens ipse petierat sepulture tradito uxor ejus Regina nomine que ab eo prefatam in dote terram acceperat circumsedente omni conventu ecclesie tam clericorum quam laicorum abbatem Robertum ex eadem terra revestivit Presentibus et laudantibus Odelina defuncti matre Ansello Buissello et Garnero fratribus ejus filioque Guerrici Bucel nepote suo testante etiam Hilduino priore Sancti Sidronii Stephano priore Sancti Florentini Guillermo Sancti Florentini canonico Teobaldo presbitero de Germini Omnium autem istorum testes sunt Siwinus Amblechen Teodoricus Bucca Ferri Petrus presbiter Briennonis Giraldus de Canlousto Herbertus Evroardus Frodo de Briennone Herbertus de Tori Alerinus filius ejus Actum est anno ab Incarnatione Domini MCLI regnante Ludovico in Francia