Charter Document - 02340327

Eugenius tertius episcopus servus servorum Dei dilectis filiis Arduino abbati monasterii Sancti Germani quod secus civitatem Autissiodorensem situm est ejusque fratribus tam presentibus quam futuris regularem vitam professis in perpetuum Quoniam sine vere cultu religionis nec caritatis unitas potest subsistere nec Deo gratum exhiberi servitium expedit apostolice auctoritati religiosas personas diligere et religiosa loca sedis apostolice munimine confovere Ea propter dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequiis sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona idem monasterium in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis In episcopatu Autissiodorensi ecclesiam Sancti Lupi ecclesiam Digie ecclesiam de Escant ecclesiam de Patriniaco ecclesiam de Bladiniaco ecclesiam de Baina ecclesiam de Venneto ecclesiam de Pratili ecclesiam de Irenciaco ecclesiam de Airiaco ecclesiam de Siliniaco ecclesiam de Rovredo ecclesiam de castro Sancti Ferreoli quinque solidos in ecclesia que dicitur ad Sanctos monasterium Meleredense cum adjacentibus ecclesiis videlicet ecclesia Sancti Petri de ipso burgo ecclesia Sancta Columbe ecclesia Sancti Boniti ecclesia Sancti Amandi et ecclesia de Annaio monasterium Sancti Salvatoris cum adjacente ecclesia Sancti Johannis Baptiste monasterium de Saxiaco cum adjacentibus ecclesiis Sancti Christophori et Sancti Machuti quindecim solidos in ecclesia de Asneriis monasterium Sancti Verani cum ipsa ecclesia In parochia Senonensi monasterium Sancti Florentini cum pertinentiis suis monasterium Airaldi cum pertinentiis suis ecclesiam de Agriaco quicquid habetis in ecclesia de Corbeliis ecclesiam de Sencasio ecclesiam de Ulmedo ecclesiam de Altaripa ecclesiam de Monte Sancti Sulpitii ecclesiam de Bodoliaco In episcopatu Trecensi ecclesiam de Britiniaco In episcopatu Lingonensi monasterium Sancti Leodegarii cum adjacentibus ecclesiis videlicet ecclesia Sancte Marie in eodem burgo ecclesia de Monasteriolo et ecclesia de Mainiaco monasterium Sancti Valentini cum ecclesiis de Niceto videlicet de Lamnia et de Pontiaco ecclesiam de Linerolis ecclesiam de Quadrisiaco ecclesiam de Mollaio ecclesiam de Annaio In episcopatu Eduensi ecclesiam de Luciaco ecclesiam de Vultiniaco In episcopatu Nivernensi monasterium Sancti Petri de Disesia cum ecclesiis Sancte Marie Sancti Martini Sancti Mauritii et Sancti Leodegarii quicquid habetis in ecclesia de Toriaco monasterium de Massiliis cum ecclesiis de Viridi Prato de Montolran de Vendenessa et de Sancto Jacobo monasterium de Castillione cum ecclesiis ejusdem castri videlicet Sancti Johannis Baptiste Sancte Cecilie Sancte Marie ecclesiam de Aluia de Fraxineto et de Chainniaco ecclesiam Sancte Mariede Capella de Catis Constituimus quoque ut in parochialibus ecclesiis quas tenetis presbiteros eligatis et diocesano episcopo presentetis quibus si idonei fuerint episcopus animarum curam committat ut hujusmodi sacerdotes de plebis quidem cura episcopo respondeant vobis vero pro rebus temporalibus ad vestrum monasterium pertinentibus dignam subjectionem exhibeant Decernimus ergo ut nulli omnino hominum liceat prefatum monasterium temere perturbare aut ejus possessiones auferre [] Datum Signie quinto idus februarii Incarnationis Dominice anno millesimo centesimo quinquagesimo primo pontificatus vero domni Eugenii tertii pape anno septimo