Charter Document - 02340326
| Charter Number: | 02340326 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 - 1200 |
| Date type: | Assigned |
| Resource Link(s): |
|
Charter:
Ego Hugo Senonensis archiepiscopus notum fieri volumus universis presentibus et futuris quoniam nostri juris terram quadraginta arpentorum apud Bellamcalmam sitam ab omni decima censu et consuetudine liberam canonicis Deiloci dedimus Edificabunt igitur in ea hortos et vineas et quicquid usui eorum necessarium fuerit propter grangiam et si quis pro decima vel censu controversiam aliquam eis intulerit per omnia adquietabimus Concedunt etiam nobis canonici XV solidos de censu quos habebant apud Nailliacum Ne igitur res utraque dissolvatur litteris nostris et sigillo firmare curavimus Rei hujus testes sunt Herveus prepositus Willermus archidiaconus Odo decanus Symon thesaurarius Matheus precentor Symon cellerarius Rainaldus Pruvinensis archidiaconus