Charter Document - 02340324
| Charter Number: | 02340324 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1150 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Hugo Autissiodorensis episcopus notum fieri volo tam presentibus quam futuris quod Johannes Domicellus de Lenniaco Gaufridum filium suum cum ad annos aptos ordini pervenerit a monachis Pontiniacensibus monachum fieri rogavit et dedit eisdem monachis res suas quidquid videlicet habebat de patrimonio suo tam in nemoribus quam in pratis et aliis terris cultis et incultis Similiter concessit eis quecumque de casamentis tenebat si a dominis ejus ea monachi poterunt obtinere excepto quod Agneti uxori ipsius adepta permissione dominorum dum vixerit ea possidere licebit Quod si Agnes a dominis illa non potuerit obtinere monachi exinde querent quomodo a dominis sibi concedantur et si poterunt adipisci jure perpetuo possidebunt Actum apud grangiam de Bunun anno ab Incarnatione Domini millesimo centesimo quinquagesimo eadem uxore Johannis laudante coram his testibus Stephano Regniacensi abbate Stephano priore Rainaldo monacho Pontiniacensi Humbaldo presbytero de Montiniaco Iterio preposito Lenniaci Stephano de Lendri Thoma Jornel filio Martini Aalardo carpentario