Charter Document - 02340309
| Charter Number: | 02340309 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1100 - 1150 |
| Date type: | Assigned |
| Resource Link(s): |
|
Charter:
In nomine sancte et individue Trinitatis notum sit omnibus presentibus et futuris quod inter monachos Vallis lucentis et milites Templi de Colatorio per manum Bernardi Clarevallensis abbatis facta est hec compositio Quod milites Templi quicquid habebant in territorio de Cirilli de divisione que est inter grangiam ipsorum militum et grangiam monachorum totum monachis concesserunt id est medietatem atrii medietatem decime et terras alias ita ut deinceps a divisione predicta usque ad Sevei nichil nemoris neque terre adquirere possint milites Templi nisi forte omnino gratis datum fuerit in elemosinam ut nichil terrene subventione ab eis accipiat isque dederit Similiter et monachi Vallis lucentis concesserunt militibus Templi quicquid habebant a predicta divisione usque ad ripam Venne ita ut in valle illa nichil possint adquirere nemoris seu terre nisi forte gratis omnino ab aliquo fuerit datum ut nichil terrene subjectione ab his accipiat is qui dederit Laudavit hoc Norpaudus abbas Vallis lucentis et frater Evrardus magister fratrum de Templo qui in Francia sunt Et ut firmum permaneat utriusque sigillo firmatum est cum sigillo abbatis Clarevallis Laudavit hoc et frater Huntfredus magister Colatorii