Charter Document - 02340299
| Charter Number: | 02340299 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1100 - 1150 |
| Date type: | Assigned |
| Resource Link(s): |
|
Charter:
Notum sit omnibus sancte Dei ecclesie filiis quod contentio facta est inter Norpaldum abbatem Vallis lucentis et Norgaldum priorem de Flasceio de terris et pratis et silvis quas habebant in eadem villa que contentio tali ordine terminata est Posita fuit super tres homines Milonem videlicet archipresbiterum Jolduinum conversum de Fosseio Hugonem paltenarium leprosum qui dixerunt in verbo veritatis et dictum suum lege qua debuerunt probaverunt quod ecclesia Vallis lucentis in silvis habebat medietatem in terris in pratis in aquis et in aliis reditibus terciam partem de hereditate defuncti Pagani de Fonte Vene nisi in illis terris que partite erant excepto quod in terra illa que est ultra rivum qui vocatur Vetolius de super viam que tendit Villam Maurum nichil habet ecclesia Vallis lucentis in eadem hereditate De concordia illa que facta est per dictum trium predictorum hominum testes sunt Guillelmus presbiter de Flasceio Philippus Bibens Seccanam Garnerius de Fosseio Andreas maior Rogerius maior domni Stephani et Robertus homo monachorum et alii multi Sciendum est quod alia die quedam commutatio facta est inter Norpaldum abbatem Vallis lucentis et Norgaldum eundem de Flasceio talis quod predictus abbas dedit ecclesie Molismensi per manum ejusdem prioris Norgaldi nummum unum quod annuo censu habebat in molendino de Flasceio et terciam partem ochie in qua erat molendinum ita quod via que juxta molendinum erat in eodem statu permaneret et nichil pejoraretur Predictus vero prior dedit ecclesie Vallis lucentis ochiam unam que est desuper illam in qua est molendinum pro dono illo quod fecit predictus abbas Huic commutationi interfuerunt Gofridus de Flasceio Philippus Bibens Seccanam Garnerius de Fosseio Drogo Strabo Robertus Vitulus Iterius Venator Guillelmus presbiter Et ut hoc ratum haberetur sigillo utriusque abbatis scilicet Molismi et Vallis lucentis sub cyrographo debuit firmari