Charter Document - 02340289
| Charter Number: | 02340289 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 |
| Date type: | Internal, A.D., Calendar |
| Resource Link(s): |
|
Charter:
Notum sit omnibus fidelibus christianis quod abbas Sancti Petri Vivi Herbertus nomine vendidit ecclesie Vallis lucentis pro emenda quadam terra ecclesie sue utiliore quicquid ecclesia Sancti Petri Vivi habebat in territorio Curginei et Poisei excepta terra que ad elemosinarium pertinebat apud Poiseium Quod monachi aliquandiu laudare recusantes precibus Lodowici regis Francorum et domini pape Eugenii et Bernardi abbatis Clarevallensis tandem laudaverunt sed quia morte preoccupatus sigilli sui impressione hoc firmare non potuit abbas qui ei successit Girardus nomine et laudavit et confirmavit Et in presentia ejus omne capitulum hoc iterum laudavit sub tali conditione quod terram fontium non emerent nisi consensu ecclesie Sancti Petri Vivi Jolduinus scilicet prior laudavit et Joscelinus de Sormereio nepos ejus Galterus de No Petrus Arvernensis Odo de Joviniaco Hugo de Julian Ernaldus et Ernaldus avunculus scilicet et nepos Seguinus Teobaldus filius Beatricis Philippus Gaufridus Johannes de Pruviniaco Fulco elemosinarius Stephanus et Petrus filii Stephani de Balchefi Dodo de Boal Alexander de Joviniaco Johannes de Joviniaco Andreas de Pareio Henricus de Pruviniaco Fulcherus de Joviniaco Reimbaldus Radulfus Willelmus de Pruviniaco Reimundus Galterus de Curteaun Teodericus de Servenni Salo Esvente Balduinus de Malleoth Petrus de Sancto Remigio Alelmus de Pruviniaco Odo puer Seguinus puer Hujus rei testes fuerunt Urricus Odo filius Teobaldi Gunteri maior Galterus decanus Josbertus cubicularius Garinus cocus Sado de Joviniaco Galterus Fulchure Henricus filius Adam Balduinus Nivardus Constantius Ribaldus et Gaufridus cognatus ejus et multi alii Et ut hoc ratum et inconcussum omni tempore haberetur signatum est atque firmatum impressione sigilli predicti abbatis Girardi et domini Hugonis Senonensis archiepiscopi Factum est hoc anno ab Incarnatione Domini millesimo centesimo quadragesimo octavo in capitulo Sancti Petri Vivi III kalendas januarii