Charter Document - 02340280

Eugenius episcopus servus servorum Dei dilectis filiis Garnerio abbati ecclesie Sancte Marie de Deiloco ejusque fratribus tam presentibus quam futuris canonicam vitam professis in perpetuum Religiosis desideriis dignum est facilem prebere consensum ut fidelis devotio celerem sortiatur effectum Ea propter dilecti in Domino filii vestris justis postulationibus clementer annuimus et prefatam Sancte Marie ecclesiam in qua divino vacatis obsequio sub beati Petri et nostra protectione suscipimus et presentis scripti privilegio communimus statuentes ut ordo canonicus qui secundum beati Augustini regulam in vestra ecclesia noscitur institutus perpetuis futuris temporibus ibidem inviolabiliter conservetur preterea quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec specialiter duximus annotanda locum videlicet ipsum in quo eadem ecclesia sita est locum qui dicitur Fossa Mauri cum omnibus eorum pertinentiis locum qui dicitur Mersiacus cum territorio quod vocatur Toriacum locum qui dicitur Malus Repastus locum qui vocatur Villapedis locum qui dicitur Aurea Vallis cum omnibus eorum pertinentiis molendinum de Fricambault molendinum de Salva Manu molendinum quod domina Helia de Villa Mauri dedit ecclesie vestre cum omnibus eorum pertinentiis usuarium quoque quod illustris memorie Ludovicus Francorum rex in suo nemore juxta quod eadem ecclesia sita est vobis donavit et quod Henricus bone memorie Senonensis archiepiscopus similiter donavit in suo ut videlicet ad omnes necessarios vestros usus inde accipiatis animalia vestra pascatis Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis decimas exigere presumat Prohibemus etiam ut nulli fratrum vestrorum liceat post factam professionem absque abbatis et fratrum licentia de claustro discedere discedentem vero absque commendatiis litteris nullus audeat retinere Decrevimus ergo ut nulli omnino hominum liceat prefatam ecclesiam temere perturbare [] Ego Eugenius catholice ecclesie episcopus S Datum Altissiodori per manum Guydonis sancte Romane ecclesie diaconi cardinalis et cancellarii V iduum augusti indictione X Incarnationis Dominice anno MCXLVII pontificatus vero domini Eugenii III pape anno III