Charter Document - 02340276
| Charter Number: | 02340276 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1147 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Digna memoratu scripto commendare decrevit antiquitas ne vite brevitate et labili hominum memoria detur iniquis pervertendi facultas Quapropter ego Willermus Nivernensis comes notificandum propono tam futuris quam presentibus quoniam beneficia que pater meus ob remedium anime sue et matris mee suorumque parentum fratribus in ecclesia Beate Marie Autisiodorensis regulariter Deo servientibus eorumdemque sororibus sub testibus denominatis domno videlicet Iterio de Sancto Mariano Roberto preposito Guidone de Sancto Mamerto contulit laudans approbo Verum et ne de eisdem aliqua imposterum dampnosa fratribus predictis suboriatur controversia ipsa beneficia denomino Terram scilicet certis limitibus diffinitam in loco quem vulgus Vetera Prata appellare consueverat nunc autem ipsi fratres cognominant Capellam molendinum etiam cum stagno cujus edificium et excursus aque est in terra Sancti Germani pro annuali censu sex nummorum ad Gurgi villico ipsius sancti infra octabas kalendarum octobris persolvendorum Item terram in territorio quod dicitur Preajen certis finibus terminatam Quod si de pratis eidem terre adjacentibus ab hominibus qui possident quid adquirere poterunt si pratorum census comitis fuerit absque censu possidebunt Item in nemoribus suis quorum nomina sunt hec Bar et Thol arbores infructuosas que mortuum nemus appellantur ad comburendum reliquas vero ad domos sororum quot necesse fuerit edificandas Preterea super fluvium Belche sedem unius molendini et aque excursum per terram suam superius et inferius molendino necessarium ac terram jacentem inter excursum aque superiorem et prata inferius posita necnon et viam ad molendinum ducentem Ut ergo hec memorata beneficia prefatis fratribus rata et inconvulsa in legitima possessione permaneant scripto commendavi sigillique mei impressione confirmavi Huic vero laudationi mee in Autosiodorensi domo mea habite isti testes interfuerunt magister Stephanus Robertus prepositus Raaldus nummularius Johannes cellerarius Actum est autem anno ab Incarnatione Domini MCXLVII anno vero consulatus mei primo