Charter Document - 02340275
| Charter Number: | 02340275 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1147 |
| Date type: | Assigned |
| Resource Link(s): |
|
Charter:
In nomine sancte et individue Trinitatis ego Hugo Autissiodorensis episcopus presentibus et futuris notum fieri volo quod Hugo de Tilio dum ea qua mortuus est decumberet infirmitate coram nobis aliisque religiosis secularibus personis protestatus est quod Guillelmus avus Guillelmi comitis Nivernensis qui ad Deo serviendum Cartusiam se transtulit potestatem Giriaci et castrum Luperciacum cum his que pertinebant ad illud preter Bolum plures annos dum viveret possedit moriensque ea predicta nepoti suo Guillelmo in pace dimisit Qui ipsa quoque in eadem pace possedit donec prescripto Hugoni de Tilio illa in hereditate concessit tam pro recompensatione amoris et servitii sui quam etiam pro terra de Forgiis et pecunia propter hoc data Et ipse eadem hec usque ad illam diem qua hec protestatus est in pace possederat Protestatus est etiam se multa alia ab Hugone Sajet laudante uxore sua Amelina et liberis eorumdem acquisivisse et post acquisitionem usque ad diem ipsam quiete possedisse Hec omnia suprascripta preter Bolum protestatus est se taliter adquisisse quod uxori sue Sare que presens erat et liberis quos ex ea genuerat hereditario jure possidenda juste dimittere poterat et dimittebat Huic rei interfuerunt mecum Pontius abbas Vizeliaci Petrus Boni Radii abbas Stephanus Regniaci abbas Gaufredus abbas de Rupibus Itherius de Tociaco Nargodus et Seguinus de Crux Gauterius de Montescot Ernaudus Tociaci Hugo de Prii Rainaldus Morellus et quam plures alii