Charter Document - 02340263
| Charter Number: | 02340263 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 |
| Date type: | Assigned |
| Resource Link(s): |
|
Charter:
In nomine sancte et individue Trinitatis ego Hugo Dei gratia Autissiodorensis episcopus presentibus et posteris presentis scripti testimonio memoriter tenendum innotesco Herbertum Crassum cum Jerosolymam esset profecturus decimam de Sancto Gervasio quam injuste tenuerat et tenebat in manu mea dimisisse Quam ego quem cum Dei adjutorio ecclesiarum providere querelis pastorali cura officiosa admonet sedulitas Geraudo Molismensi abbati contradedi et ecclesiam Molismensem subscriptorum testium a stipulatione ipso laudante in perpetuum investiri concessi Etiam idem Herbertus quatenus quidquid infantes Guidonis Bailledardi vel quicumque alii in ea decima ab ipso feodaliter tenebant quocumque modo ecclesia Molismensis aliquando acquirere potuerit libere acquirat et teneat Testes sunt Gaufridus Nivernensis episcopus Raynaudus archidiaconus magister Anselmus Bernardus archipresbiter Landricus sacerdos et canonicus Belinus presbiter Gautherius Calvus Gautherius Botzacre Pontiniacenses monachi ex parte abbatis Herbertus Farsitus Guillelmus Hugo Puttaillus monachi Molismenses Gaufridus furnarius Simon ejus filius Acta sunt hec anno ab Incarnatione Domini millesimo centesimo quadragesimo sexto quarto nonas augusti luna vigesima prima indictione nona Hoc totum postmodum Gertrudis prefati Herberti uxor cum filio suo Gaucherio in die Sancti Laurentii apud Briennium in presentia domini Senonensis archiepiscopi Hugonis et fratris sui Guillelmi archidiaconi Hugone eleemosynario Hermerio Milone monachis Molismensibus Guidone comite Barensi Bartholomeo de Laniaco Herberto Euvroart et aliis plurimis astantibus me presente laudavit Item hoc actum est anno quo supra quarto idus augusti indictione nona regnante Ludovico rege Francorum